Кристијано Роналдо дојде во Барселона и доби свирежи од фановите на каталонскиот клуб. Му го паметат минатото, кога го носеше дресот на Реал Мадрид.
Лионел Меси можеби е во депресија и не игра најдобро, но вечерва против Роналдо на „Камп Ноу“ сигурно ќе биде супермотивиран да прикаже што знае. По девет години, двајцата најдобри фудбалери во изминатата деценија ќе играат еден против друг во Лигата на шампионите. Тоа секако носи многу возбуда. Кога Барселона гостуваше во Торино, Португалецот не играше поради позитивниот тест на Ковид-19, но вечерва спектаклот е загарантиран.
Меси и Роналдо заедно имаат 11 Златни топки за играч на годината, 9 титули во ЛШ, и 250 гола во елитното европско клупско натпреварување.
