Меси го надмина Дани Алвеш, сега е фудбалерот со најмногу трофеи во историјата

Лионел Меси стана најнаградуван во историјата, откако го освои трофејот на Копа Америка и сега има еден трофеј повеќе од неговиот поранешен соиграч во Барселона, Дани Алвеш.

Долго време Меси не успеа да освои ништо со својата репрезентација, но во последните години стигна до два големи трофеи – Копа Америка и Светското првенство во 2022 година во Катар.

Со „гаучосите“, Меси има и олимписко злато, светско првенство за младинци и трофејот „финалисима”.

Со Барселона, Аргентинецот освои 10 титули во Шпанија, 4 трофеи од Лигата на шампионите, 7 Купа на кралот, 8 Суперкупа на Шпанија, 3 Суперкупа на Европа и 3 Светски клупски првенства.

Во неговата колекција се истакнуваат и две титули и еден Суперкуп на Франција со Пари Сен Жермен, како и еден Лига куп на САД со Интер Мајами.