Мертенс заминува од Наполи

Најдобриот стрелец во историјата на Наполи, Дрис Мертенс, и дефинитивно ќе си замине од Неапол ова лето. Претседателот Аурелио де Лаурентис изјави дека нема да му понуди нов договор.

Мертенс цели девет сезони беше член на Наполи и постигна 148 гола на 397 натпревари.

Белгискиот интернационалец е слободен агент и можно е да се пресели во редовите на Лацио.