Мехо Кодро по само два натпревари е разрешен од клупата на репрезентацијата на Босна и Херцеговина. Прво победи со 2-1 против Лихтенштајн, а потоа загуби со 1-0 од Исланд.
На Кодро му беше втор мандат на клупата на репрезентацијата на Босна и Херцеговина, а интересно е што првиот пат, во 2008 година, исто така издржа само два натпревари. Потоа тој беше отпуштен кога протестираше што БиХ организираше пријателски натпревар со Иран без негова дозвола.
Како можен наследник на Кодро се споменува Вахид Халилхоџиќ, кој е без работа откако минатата година беше отпуштен од селекторската функција на Мароко.
Со поразот од Исланд, Босна и Херцеговина речиси и да нема шанса за директен пласман на ЕП, но сепак може да ги мине дополнителните квалификации кои ги освои со освојувањето на првото место во Лигата на нации.
