Натпреварот меѓу Македонија ЃП и ЦСКА Софија од второто квалификациско коло во Конференциската лига на УЕФА дефинитивно ќе се игра во Скопје. И покрај дезинформациите за можно преместување во Струмица, па дури и надвор од Македонија – во Ниш, сепак, мечот официјално е закажан и ќе се одигра на комплексот „Петар Милошевски“ при ФФМ.
Ова за МАКФУДБАЛ го потврди и техничкиот директор на „лавовите“, Благоја Кочевски.
„Натпреварот меѓу Македонија ЃП и ЦСКА Софија ќе се одигра во Скопје, на комплексот на ФФМ. Сакам да искажам благодарност до раководството на бугарскиот клуб ЦСКА Софија кое прифати да гостува во престолнината и покрај перипетиите. Мораме да ја потенцираме нивната желба за фер-плеј“, изјави Благоја Кочевски за МАКФУДБАЛ.
