Напаѓачот на Франција, Килијан Мбапе, најде сили да се пошегува со повредата што ја доби на натпреварот против Австрија на ЕВРО 2024. Француската ѕвезда има скршен нос по судирот со Кевин Дансо во 86. минута и ќе игра со специјална маска во следните натпревари на „петлите“.
“Некои идеи за маски?”, напиша Мбапе на социјалната мрежа „X“.
Првично се претпоставуваше дека францускиот ас ќе има потреба од операција, но по прегледот во болницата во Диселдорф беше решено да се подложи на конзервативен третман.
Во вториот натпревар на ЕВРО 2024, Франција ќе игра против Холандија на 21 јуни, а Австрија ќе се сретне со Полска истиот ден.
