Ѕвездeното ново засилување на Реал Мадрид, Килијан Мбапе, го одржа првиот тренинг со тимот на Реал. Ова се случи вечерва – само неколку часа по враќањето на тимот од американската турнеја. Напаѓачот не беше во САД, бидејќи доби одмор поради учеството на Европското првенство.
Сега за првпат се сретна со повеќето од своите нови соиграчи, а потоа се приклучи на тренингот што се одржа во фитнес салата.
Таму беа и Џуд Белингам и други репрезентативци кои исто така не патуваа во САД.
„Кралевите“ веќе се подготвуваат за натпреварот за Суперкупот на Европа, кој ќе се одржи точно за една седмица (14 август) против Аталанта во Варшава.
Четири дена подоцна, Реал Мадрид ја почнува новата сезон во шпанската Ла Лига со гостување кај Мајорка.
