Крилниот напаѓач Матеј Цветаноски се наоѓа пред трансфер во култниот босански клуб Железничар, откриваат босанските медиуми. Тој ќе се приклучи на подготовките на тимот на Златибор, а во наредните денови ќе биде и официјално промовиран како ново засилување.
Матеј Цветаноски е слободен фудбалер откако ја заврши соработката со Брера, а деновиве се споменуваше и како потенцијално засилување за Вардар. Сепак, тој ќе заигра во првенството на БиХ во новата сезона.
Овој 26-годишен офанзивец минатата сезона за Брера одигра 25 натпревари, успевајќи да постигне четири гола и да запише исто толку асистенции.
