Марсело Галјардо го презема Лидс Јунајтед?

По разделбата со Ривер Плата, аргентинскиот стратег Марсело Галјардо е на прагот на нов ангажман. Медиумите на Островот најавуваат дека Лидс Јунајтед е заинтересиран за неговите услуги.

Тимот на Лидс има привремен менаџер откако се раздели со Џеси Марш. На мечот со Манчестер Јунајтед на „Олд Трафорд“ составот го предводеше Михаел Скубала и извлече важно реми (2-2).

Галјардо во минатото беше вбројуван и меѓу кандидатите за тренер на Барселона и на Реал Мадрид.