Францускиот првак Пари Сен Жермен доживеа елиминација од Олимпик Марсеј во Купот на Франција, а капитенот Маркињос беше самокритичен. Тој потенциораше дека фудбалерите мора да замолчат и да се фатат за работа, затоа што не го прикажуваат тоа што се очекува од нив.
„Направивме многу грешки и тоа скапо нѐ чинеше. Ова е болен пораз за нас, нѐ елиминираа, а ние не сторивме ништо за да спречиме пораз. Време е да замолчиме и да работиме ако сакаме да ги постигнеме нашите цели оваа сезона“, изјави капитенот на ПСЖ.
