Аргентинскиот ас Лионел Меси на специјална церемонија организирана од весникот „Марка“ беше прогласен за најдобар фудбалер на сите времиња. Шпанскиот медиум му додели златна статуа со неговиот лик како признание за неговата импресивна кариера.
Со 46 тимски трофеи и 56 индивидуални награди, поранешниот капитен на Барселона е број 1 според бројот на освоени признанија во историјата на фудбалот.
Покрај тоа, „Марка“ направи и листа на „најдобрите шестмина во историјата“, на која Лео Меси е на врвот. На второто место е Кристијано Роналдо, а потоа следуваат Пеле, Ди Стефано, Диего Марадона и Јохан Кројф.
Церемонијата се одржа на стадионот на актуелниот клуб на Лионел Меси, Интер Мајами.
