Фудбалската репрезентација на Македонија се подготвува за септемврискиот предизвик во квалификациите за ЕВРО 2024. В сабота во Скопје ќе гостува Италија, а три дена подоцна македонските фудбалери ќе играат против Малта во Ла Валета.
Дефанзивецот Јован Манев вели дека репрезентативците имаат максимален респект кон Италија, но дека веруваат во позитивен резултат.
„На Италија никој не и се заканува, знаеме какво е нивното фудбалско педигре. Знаеме за каква сила во фудбалот станува збор. Но, ние веруваме во позитивен резултат, во спротивно не би биле овде. Сигурен сум дека секој од нас ќе го даде максимумот и дека можеме да стигнеме до успех“, изјави Јован Манев.
