Садио Мане е фокусиран на финалето на Лигата на шампионите и потоа ќе објави каде ќе ја продолжи кариерата, но затоа истакна дека во минатото бил многу блиску до трансфер во Манчестер Јунајтед.
Во последен момент се премислил и решил да ја прифати понудата на Ливерпул.
„Бев многу блиску до Јунајтед. Договорот веќе го имав подготвен и условите постигнати. Се беше подготвено, но наместо тоа, пресеков и решив да се преселам во Ливерпул. Бев убеден во проектот на Клоп“, изјави Мане во интервју за британски „Телеграф“.
