Англискиот првак Манчестер Сити ќе испрати уште една, последна понуда за напаѓачот на Тотенхем, Хари Кејн, во обид да го доведе на „Итихад“ до крајот на летниот преоден рок. Како што откриваат медиумите на Островот, „граѓаните“ до крајот на оваа седмица ќе испратат ново барање до Тотенхем за да им го продаде Хари Кејн.
Ставот на претседателот на Тотенхем не е променет, тој нема намера да го продаде Кејн за помалку од 150 милиони фунти, но Манчестер Сити се очекува да го задоволи неговите апетити.
Хари Кејн се појави во дресот на Тотенхем на гостувањето кај Вулверхемптон, но и тој притиска да го напушти Лондон и да направи трансфер во шампионот.
