Англискиот шампион Манчестер Сити се обидува да го доведе играчот од средниот ред на ПСЖ, Марко Верати, пишува „Ле Паризиен“.
Италијанскиот репрезентативец е дел од парижаните од летото 2013 година. Фудбалерот од средниот ред освои осум титули во Лига 1 во тој период, но беше под сериозни критики во последните месеци. Италијанецот не смета дека се оправдани и исто така сериозно ја разгледува можноста кариерата да ја продолжи во друг клуб.
Спортскиот директор Луис Кампос исто така е подготвен да го продаде играчот доколку во канцелариите на ПСЖ пристигне доволно квалитетна понуда.
Манчестер Сити ќе бара сериозно засилување во средниот ред каде летово се очекува да замине Илкај Гундоган, а под знак прашалник е и иднината на Бернардо Силва.
