Англискиот премиерлигаш Манчестер Сити е првиот финалист во Лигата на шампионите откако и вторпат го совлада Пари Сен Жермен во полуфиналната пресметка, овојпат со 2-0 на „Итихад“. Тимот на Пеп Гвардиола комплетно го надигра ривалот, а двоен стрелец беше Ријад Махрез. Тоа е прво финале за „граѓаните“.
Маурисио Покетино не можеше да смета на Килијан Мбапе, а без него „светците“ речиси и да немаат шанси да направат чудо во Англија.
Махрез во 11.минута го отвори резултатот, откако топката малку и сречно се одби до него, а тој шутираше прецизно откосо од десната страна. Пет минути подоцна Маркињос со удар со глава ја погоди гредата, а Ди Марија беше непрецизен по големата грешка на Едерсон кога не успеа од дваесетина метри да го погоди празниот гол.
Во 63.минута, по една одлична акција, Фил Фоден му подготви супер-можност на Ријад Махрез кој не погреши и зголеми на 2-0. Ди Марија нервозата ја покажа на Фернандињо и беше исклучен и тоа беше крај на надежите на ПСЖ за пласман во големото финале.
Утре Челси и Реал Мадрид ќе го дадат вториот финалист во елитното европско натпреварување.
-
Ексклузивна колумна на Филип Лам: Франц Бекенбауер и наследството што ни го остави
Годината започнува многу тажно. Почина Франц Бекенбауер. На германскиот фудбал му даде повеќе од...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski