Манчестер Сити планира да преземе мерки за да го спречи заминувањето на Родри. Според информациите од „Кадена Сер“, клубот има намера да го продолжи договорот на играчот од средниот ред, кој моментно има важност до 2027 година.
Во Сити се свесни дека Родри, како актуелен добитник на „Златната топка“, предизвикува голем интерес, најмногу од Реал Мадрид, но тука се и Барселона и Баерн Минхен, па затоа го планираат начинот како да го задржат во тимот.
„Граѓаните“ ќе му понудат нов договор со кој тој би останал на „Итихад“ најмалку до 2030 година, а би добил и адекватно зголемување на платата.
