Англискиот премиерлигаш Манчестер Сити е заинтересиран за Флоријан Вирц од Баер Леверкузен. Офанзивниот играч за врска одлично се снајде оваа сезона и голема е веројатноста да го напушти Леверкузен на крајот од сезоната.
За реализација на овој трансфер Сити би требало да плати меѓу 130 и 150 милиони евра. Пеп Гвардиола е уверен дека Вирц би бил одлично засилување за „граѓаните“ и подготвен е да ја плати оваа сума.
За Флоријан Вирц се интересираат и Баерн Минхен и Барселона.
Оваа сезона Вирц има осум гола и 12 асистенции на 24 натпревари во дресот на Баер Леверкузен.
