Доколку Манчестер Сити биде прогласен за виновен за кршење на правилата за финансиски фер-плеј, тимот би можел да биде казнет со одземање на дури 40 бодови оваа сезона, што би претставувало катастрофален удар за актуелниот англиски шампион.
Според извештаите од Англија, одлуката за случајот може да биде донесена уште во текот на сезоната, што значително би влијаело на изгледот на табелата во Премиер – лигата. Во моментов, Сити има 41 поен, што значи дека со евентуална казна од 40 бодови, тимот би паднал на последното место со само еден освоен бод.
„Граѓаните“ се соочуваат со вкупно 115 обвиненија за кршење на правилата за финансиски фер-плеј, што е сериозна ситуација за клубот. Пресудата се очекува во блиска иднина, а исходот би можел значително да влијае не само врз Сити, туку и врз целокупната динамика на тековната сезона.
