Манчестер Сити покажува сериозен интерес за младата ѕвезда на Монако, Магнес Аклиуш. Дваесет и двегодишниот крилен напаѓач е дел од трансферните планови на повеќе клубови, но „граѓаните“ се во најдобра позиција да го обезбедат неговиот потпис.
Според информациите од Островот, Сити планира да испрати конкретна понуда за Аклиуш во јануари.
Француските медиуми објавуваат дека Монако нема да го пушти младиот играч за сума помала од 60 милиони евра.
Во тековната сезона, Аклиуш одигра 21 натпревар во сите натпреварувања, постигна четири гола и запиша пет асистенции.
Договорот на офанзивниот фудбалер со Монако трае до летото 2028 година, што значи дека клубот има значителна контрола врз неговата иднина.
