Англискиот шампион Манчестер Сити и Њукасл се заинтересирани за крилниот напаѓач Педро Нето, но Вулверхемптон ќе бара 60 милиони фунти за неговите услуги ова лето, пренесуваат медиумите на Островот. „Волците“ ќе треба да продадат некои од нивните сегашни играчи за да му помогнат на менаџерот Гери О’Нил да го преформулира составот, а Нето би можел да биде совршена „жртва“ со оглед на големиот интерес за него.
Португалецот имаше сезона со повреди, но Волвс сè уште сака најмалку 60 милиони фунти пред да разгледа какви било понуди за 24-годишниот крилен напаѓач.
Матеус Нуњес, Рубен Невеш, Раул Хименез, Нејтан Колинс и Конор Коуди беа главните играчи кои си заминаа минатото лето кога Вулверхемптон презеде драстични мерки за да спречи прекршување на финансиските регулативи. Сега немаат закани дека мораат да продаваат, но добра понуда секако нема да биде одбиена, дури и за Педро Нето.
