Германскиот дефанзивен играч за врска на Баерн Минхен, Џошуа Кимих, може да стане играч на Манчестер Сити, објавува „Football Insider“.
Според изворот, 29-годишниот фудбалер, чиј договор со германскиот гигант истекува во летото 2025 година, може уште во овој трансфер период да премине во тимот на Пеп Гвардиола. Тие двајца веќе соработуваа во Баерн, каде што Гвардиола беше тренер во периодот од 2013 до 2016 година.
Загатката Кимих – нов договор со Баерн или слободен трансфер во Реал?
Сити сака да потпише со играч кој ќе му обезбеди на Гвардиола повеќе опции по повредата на Родри. Исто така, се известува дека Кимих сè уште нема донесено конечна одлука за својата иднина и допрва ќе одлучи дали ќе замине како слободен играч во летото или ќе потпише нов договор со баварците во наредните месеци.
Претходно, гласините го поврзуваа Германецот со некои од врвните европски клубови, како Реал Мадрид, Барселона и Ливерпул.
Оваа сезона, Кимих одигра 29 натпревари во сите натпреварувања, постигнувајќи еден гол и асистирајќи осум пати.
