Манчестер Сити го купи Џереми Доку од Рен за 55,5 милиони фунти. 21-годишниот играч доаѓа од Рен и потпиша петгодишен договор со „граѓаните“. Белгискиот интернационалец Доку е третото ново засилување на Манчестер Сити ова лето, по Хрватите Матео Ковачиќ и Јошко Гвардиол.
Тој доаѓа како замена за Ријад Марез кој замина во Саудиска Арабија.
„Манчестер Сити е најдобриот тим во светскиот фудбал. Да им се приклучам е нешто посебно за мене и моето семејство“, сподели Доку.
„Јас сум млад играч и имам уште многу да научам. Работата со Пеп Гвардиола и неговиот персонал и играњето покрај овие играчи од светска класа ќе ме направи многу подобар фудбалер“, дополни тој.
