Манчестер Јунајтед сака да го купи дефанзивецот на Бенфика, Антонио Силва, објави португалскиот „O’ Жого“. 20-годишниот Силва се смета за еден од најдобрите млади одбранбени фудбалери во светот.
Во договорот на Португалецот има откупна клаузула во вредност од 100 милиони евра, а според информациите, во јануари Бенфика одбила понуда во вредност од 60 милиони евра.
Португалското издание дополнува дека Манчестер Јунајтед ќе понуди 50 милиони евра за правата на Силва, плус одредени бонуси.
Ова лето „црвените ѓаволи“ веќе привлекоа централен дефанзивец, а тоа е Лени Јоро од Лил.
