Англискиот премиерлигаш Манчестер Јунајтед е заинтересиран за дефанзивецот на Јувентус, Глеисон Бремер. Откако Џим Ретклиф го презеде раководењето со клубот од „Олд Трафорд“, името на Бразилецот сѐ почесто се споменува за евентуален трансфер, пренесува „Калчомеркато“.
Не е тајна дека новата управа на „црвените ѓаволи“ подготвува сериозни засилувања во составот за новата сезона, а една од првите задачи е стабилизирање на одбраната. Во центарот на одбраната се очекуваат најсериозните промени, бидејќи иднината на Џони Еванс, Рафаел Варан и на Хари Мегваер е неизвесна. Една од новите цели е токму Бремер.
27-годишниот дефанзивец брзо се претвори во клучен играч на Јувентус по неговиот трансфер од Торино за 44 милиони евра во 2022 година. Досега со тимот на „старата дама“ има 72 натпревари, седум гола и една асистенција. Набргу потоа потпиша договор до 2028 година, па Јувентус сигурно ќе бара сериозна сума од околу 80 милиони евра за неговите права, доколку се согласи да се раздели со него.
Манчестер Јунајтед не е единствениот кандидат за потписот на Бремер, кој има и четири натпревари за репрезентацијата на Бразил. Пред извесно време неговото име се поврзуваше со Челси и со Арсенал.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski