МАКФУДБАЛ ТРЕНЕР НА КОЛОТО: Ѓорге Стојчев

Академија Пандев оствари голема победа (4-2) над Шкендија и е многу блиску до излез на европска сцена. Тоа ќе биде голем успех за струмичкиот тим, а дел од заслугите секако одат и кон младиот стратег Ѓорге Стојчев. Иако имаше одлична „пол-позиција“ што му ја остави Александар Васоски по првиот дел од сезоната, Стојчев издржа кога беше најтешко, раководството не му дозволи да си замине, а сега бележи одлични резултати.

„Пандевци“ играат офанзивно, постигнуваат голови, го зедоа скалпот на Шкендија.

МАКФУДБАЛ го избра Ѓорге Стојчев за најдобар тренер на 31.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.