Работнички ја оствари првата победа во новиот шампионат, а се чини дека ја пронајде и адекватната замена за младиот Давид Тошевски кој направи трансфер во рускиот Ростов. Новото напаѓачко име од кое ќе се бараат голови во клубот од Дебар Маало е Фахрудин Ѓурѓевиќ, а тој веднаш одговори на вистински начин – со два гола за триумф (2-0) против Беласица.
Одличен тајминг, висок скок, „убиствен“ шут со глава.
Ќе рече некој, два гола, ама сепак против Беласица. Во првото коло примија шест дома од Силекс. Но, Фахрудин Ѓурѓевиќ со играта го заслужи епитетот за најдобар фудбалер на второто коло во Првата фудбалска лига во изборот на МАКФУДБАЛ.
