Фудбалската репрезентација на Македонија до 19 години одигра 1-1 против домаќинот Луксембург во последниот меч од квалификацискиот турнир и на крајот се пласираше на последното место во групата со само два освоени бода. За разлика од нас, на Луксембург му одговараше овој резултат и успеа да го освои второто место, зад Словачка.
Димитар Данев во осмата минута донесе водство за нашиот национален тим, но Луксембург успеа да израмни преку Фабио Домингос во 45.минута.
Во вториот дел, Луксембург остана со десетмина поради исклучувањето на Астон да Силва во 83.минута, но Македонија не успеа тоа да го искористи и да постигне победнички погодок.
