Освојувачот на Купот, тимот на Македонија ЃП, се подготвува за настапот во квалификациите од Конференциската лига на УЕФА. Составот што го предводи Горан Симов полека ја финишира првата фаза од подготовките, а од 21.јуни се сели во Словенија.
Таму „лавовите“ ќе одиграат четири пријателски натпревари.
Првиот натпревар е закажан за 23. јуни против Марибор, а три дена подоцна Македонија ЃП ќе игра против Целје. Следи дуелот против Радомље на 29. јуни, а тестовите во Словенија ќе завршат со мечот против Чукарички кој е закажан за 1. јули.
