Македонија ЃП на пенали го освои трофејот во Купот на Македонија

Фудбалерите на Македонија ЃП се освојувачи на трофејот во Купот на Македонија откако на пенали славеа против Струга ТЛ со 2-0, или вкупно 3-1.

По голема борба во регуларниот тек, мечот заврши 1-1, а по продолженијата не се промени, па финалето се решаваше со удари од белата точка.

Таири и Мишевски не погодија на почетокот, а потоа Радевски ја погоди гредата. Личина успеа да го надмудри Ќосевски, а Незири повторно ја погоди гредата.

Филип Алексовски не реализираше, но и Стевковски го одбрани шутот на Шабани. На крајот, Емир Скендери погоди за конечни 2-0 после пенали.

Македонија ЃП поведе исто така од пенал, со голот на Филип Мишевски во 28.минута.

Кристијан Стојковски имаше убава можност за втор гол за “лавовите” на почетокот на вториот дел, но шутираше над голот.

Струга ТЛ израмни со погодокот на Фатјон Јусуфи во 77.минута.