Актуелниот шпански шампион Реал Мадрид не успеа триумфално да ја стартува новата сезона во Ла Лига. Тимот на Карло Анчелоти одигра само 1-1 против Мајорка на гостински терен.
Реал Мадрид делуваше бавно, па иако поведе брзо со голот на Родриго во 13.минута, не успеа да го контролира мечот.
На почетокот на вториот дел Мајорка израмни со голот на Ведат Муричи во 53.минута. По ова домаќинот одлично се бранеше, а Мбапе, Винисиус, Родриго и останатите не успеаја да пронајдат простор за да го загрозат противничкиот гол.
Во судиското продолжение, Ферлан Менди доби директен црвен картон.
