Голманот на Милан, Мајк Мањан, ќе се врати на теренот по петмесечно отсуство поради повреда на потколеницата. Французинот сега е целосно закрепнат и се очекува да се појави во составот против Аталанта следниот викенд.
Мањан последен пат играше во поразот од 1-2 од Наполи на 18 септември минатата година. Повредата го спречи да учествува на Мундијалот во Катар, но тешкиот период сега е зад чуварот на мрежата.
Во негово отсуство, ветеранот Ципријан Татарушану стана избор број 1 на голот на Милан.
Исмаел Бенасер, кој многу недостасува во средниот ред, исто така е пред враќање, а идентичен е случајот и со ветеранот Златан Ибрахимовиќ.
Швеѓанецот беше во тимот за последните неколку натпревари на Милан, но сѐ уште го чека првиот официјален натпревар од мај минатата година.
