Челси и Вулверхемптон одиграа 2-2, а гостите спасија бод во осмата минута од судиското продолжение. Ромелу Лукаку по подолг период блесна во дресот на тимот од „Стемфорд бриџ“, но „волците“ го засенија тоа со освоениот бод.
Белгиецот во 56.минута погоди од пенал, а две минути подоцна уште еднаш ја затресе мрежата на гостите. Вулверхемптон намали преку Тринкао во 79.минута, а на крајот избегна и пораз. Конор Коуди во 98.минута постигна израмнувачки погодок.
Брентфорд го победи Саутемптон со 3-0, Астон Вила на гости славеше против Барнли со 1-3, а Кристал Палас минимално (1-0) го совлада Вотфорд.
