Српскиот напаѓач Лука Јовиќ би можел да ја засили балканската колонија во италијанскиот првак Интер. „Нероаѕурите“ бараат решение по заминувањето на Ромелу Лукаку во Челси, и им се чини дека Јовиќ е најпрофитабилната инвестиција. Интер инсистира на позајмица, додека Реал Мадрид вели дека е можен само целосен трансфер.
Покрај италијанскиот тим, Ајнтрахт се уште е заинтересиран за услугите на Јовиќ. Таму напаѓачот ја мина последната полусезона, но и претходно го играше најдобриот фудбал во кариерата.
На почетокот на подготовките, Јовиќ имаше проблеми со повреда, додека сега, веќе извесно време, тренира со првиот тим на Реал Мадрид.
