Тренерот на Пари Сен Жермен, Луис Енрике, ја истакна важноста на утрешниот натпревар на домашен терен против Њукасл во Лигата на шампионите и призна дека неговиот тим сѐ уште е далеку од верзијата што тој ја посакува.
„Натпреварувањето може да испадне многу кратко за нас. Остануваат само уште неколку натпревари во многу тешка група. Њукасл е многу силен физички и ги става противниците под притисок. Знаеме дека треба да бидеме подготвени. Утрешниот натпревар може да биде решавачки. Убеден сум дека мојот тим е подготвен да одигра утре добро и да биде конкурентен. Целта пред нас е секогаш иста: да одиграме комплетно, во напад и одбрана“, истакна Луис Енрике.
„Ни треба нашите навивачи да бидат пострасни од вообичаено. Се надевам дека ќе ја видам најдобрата верзија на нашата публика. Во ова натпреварување, домашните натпревари се секогаш клучни. Ќе играме како финале. Тимот сè уште не изгледа како што сакам, но нашиот процес продолжува. Со мојот штаб можеме уште повеќе да им помогнеме на играчите. Сè уште сме далеку од она што сакам да биде ПСЖ во иднина. Сепак, и сега гледам некои пријатни работи“, прокоментира Енрике на денешната прес-конференција.
