Манчестер Сити ита кон титулата во Премиер – лигата, но Пеп Гвардиола и раководството на клубот размислуваат и за иднината. Сакаат да го задржат белгискиот интернационалец Кевин де Бруин уште долго на „Итихад“, па подготвуваат понуда со „луда плата“ за одличниот играч за врска да остане „граѓанин“.
Де Бруин ја одби првата понуда за нов петгодишен договор, а сега челниците на Манчестер Сити подготвија понуда од која боли глава. Белгиецот би заработувал неверојатни 310.000 фунти неделно доколку се согласи да потпише нов договор со клубот.
Де Бруин е еден од најдобрите асистенти во Премиер – лигата и дефинитивно лидер на тимот на Манчестер Сити во последните неколку сезони.
