Италијанскиот стратег Лучијано Спалети е најсериозен кандидат за нов селектор на фудбалската репрезентација на Чиле, објавија медиумите на Апенините. Поранешниот тренер на Рома и на Интер е во завршни преговори за преземање на селекторската позиција на Чиле од Реиналдо Руеда.
Италијанските медиуми информираат дека раководството на Фудбалската федерација на Чиле остварило контакт со Спалети, а како најголем проблем за преземање на функцијата засега се споменува јазичната бариера. Но, поголем дел од репрезентативците на Чиле се или биле дел од клубови во Серија А, па некако и таа пречка ќе биде надмината.
Спалети е без работа од мај 2019 година кога го напушти кормилото на Интер.
