Тренерот на Наполи, Лучијано Спалети, е прогласен за најдобар во Серија А за сезоната 2022/23. Оваа сезона, Наполи стана шампион на Италија за првпат од 1990 година.
Наградата ќе ја добие пред последниот натпревар од шампионатот овој викенд,кога „наполитанците“ играат против Сампдорија.
Жирито кое ја додели наградата за најдобар тренер во Серија А беше составено од директори на спортски весници во Италија. Тие ги оценуваа тренерите индивидуално според спортско-техничките критериуми и квалитетот на играта на нивните тимови, како и однесувањето/фер-плејот за време на натпреварите.
Спалети претходно потврди дека го напушта тимот на крајот на сезоната.
