Францускиот првак Пари Сен Жермен оствари убава предност од 2-0 против Реал Сосиедад во првиот осминафинален натпревар од Лигата на шампионите. Лацио, пак, ги зголеми маките на Баерн Минхен откако славеше со 1-0 на „Олимпико“.
Килијан Мбапе во 58.минута донесе водство за ПСЖ, а Бредли Баркола ја удвои прендоста во 71.минута и обезбеди убава предност пред реваншот во Шпанија.
Лацио можеби беше инфериорен во поле, меѓутоа умешно го чуваше својот гол и дочека момент во 69.минута кога Упамекано стартуваше грубо против Исаксен во шеснаесетникот и доби црвен картон, а домаќинот доби и пенал. Чиро Имобиле беше успешен реализатор и обезбеди минимална предност од 1-0 за италијанскиот тим пред реваншот на „Алијанц арена“ во Минхен.
