Клуб Бриж е првиот противник кој успеа да ја победи Астон Вила во групната фаза од Лигата на шампионите. По трите победи на стартот, тимот на Унаи Емери загуби на гостувањето во Белгија со 1-0.
Стрелец на победничкиот гол за Клуб Бриж беше Ханс Ванакен од пенал во 52.минута.
Првиот триумф оваа сезона во ЛШ го оствари и украинскиот Шахтјор Доњецк откако славеше против Јанг Бојс со 2-1.
Кастриот Имери во 27.минута обезбеди водство за гостите, но потоа следеа два гола на Шахтјор. Олександр Зубков во 31.минута израмни на 1-1, а пред крајот на првиот дел Георги Судаков се погрижи за пресврт.
