Италијанскиот првак Наполи одигра 1-1 против Барселона на стадионот „Диего Армандо Марадона“ во Неапол во првиот осминафинален натпревар од Лигата на шампионите. Каталонците го отворија резултатот со голот на Роберт Левандовски во 60.минута.
Сепак, Наполи успеа да возврати во 75.минута кога мрежата на гостите ја затресе Виктор Осимен.
Порто со минимална предост (1-0) ќе патува на реваншот против Арсенал на „Емирати“. Откако португалскиот тим пропушти неколку изгледни шанси во текот на мечот, постигна гол дури во финишот. Галено погоди во четвртата минута од судиското продолжение.
