Интер оствари круцијална победа за пласман во осминафиналето на Лигата на шампионите совладувајќи го Шахтјор Доњецк со 2-0. Стрелец на двата гола беше Един Џеко во 61.минута и во 67.минута. „Нероаѕурите“ беа доминантни во текот на целиот меч и заслужено стигнаа до планираните три бода. Доколку вечерва Шериф Тираспол не го победи Реал Мадрид, тогаш Интер и официјално ќе обезбеди пласман во нокаут фазата од елитното натпреварување.
Ајакс е веќе осминафиналист, но и понатаму гази. Го совлада Бешикташ на гости со 1-2.
Гезал од пенал во 22.минута донесе предност за Бешикташ, но Ајакс возврати двојно во второто полувреме со головите на Себастиен Халер во 54. и во 69.минута од дуелот.
