Реал Мадрид многу потешко од очекувањата стигна до триумф (1-0) против Унион Берлин на отворањето на сезоната во Лигата на шампионите. Тимот на Карло Анчелоти долго се мачеше, а дури во судиското продолжение гол постигна Џуд Белингам. Англичанецот е талично момче за „кралскиот клуб“ од стартот на сезоната.
Галатасарај ремизираше (2-2) против Копенхаген и се спаси од пораз. Данскиот тим имаше два гола предност откако погодија Елјонуси и Гонкалвеш, но по црвениот картон на Џелерт, во финишот Боеј и Тете успеаја да го израмнат резултатот.
