Баерн Минхен со песна се враќа од Париз и има предност од 0-1 по првиот осминафинален меч против ПСЖ во Лигата на шампионите. Детето на ПСЖ, Кингсли Коман, ја затресе мрежата на „светците“ во 53.минута и му обезбеди предност на германскиот првак пред реваншот на „Алијанц арена“.
Килијан Мбапе го почна мечот на клупата, а кога влезе во игра во вториот дел постигна гол, но потоа се покажа дека сепак асистентот Нуно Мендеш претходно бил во офсајд позиција.
Милан го победи Тотенхем со 1-0. Брахим Дијаз во седмата минута ја затресе мрежата на англискиот тим и го постигна првиот свој гол во нокаут фазата од Лигата на шампионите. Составот на Конте не успеа да одговори до крајот, но ќе има можност за поправен на реваншот во Лондон.
