Најдобриот стрелец на Манчестер Сити, Ерлинг Халанд, ќе отсуствува до крајот на јануари. Ова го соопшти менаџерот Пеп Гвардиола пред натпреварот против Њукасл.
„Да, тој има проблеми и иако генерално е добро, лекарите одлучија дека е подобро да одмори уште малку. Да се надеваме дека на крајот на месецот ќе биде подготвен. Навистина неговото отсуство се покажа дека ќе биде подолго отколку што се очекуваше“, изјави Гвардиола.
На Манчестер Сити му претстојат натпревари против Њукасл и Тотенхем, а на крајот на месецот (31. јануари) „граѓаните“ го пречекуваат Барнли.
Мануел Аканџи исто така е повреден, а и Џон Стоунс сѐ уште не е достапен.
Сепак, Кевин де Бруин се очекува полека да добива минутажа по проблемот со тетивата, операцијата и неколкумесечното отсуство.
