Шпанскиот прволигаш Севилја го продолжи договорот со тренерот Хулен Лопетеги. Тој ја продолжи соработката со клубот до 2024 година.
Поранешниот шпански селектор дојде во Андалузија пред 18 месеци и заврши одлична работа во Севилја, па доби и понуда за да остане многу подолго.
Севилја во моментот се наоѓа на шестата позиција на табелата во Ла Лига, со девет победи, три ремија и четири порази, и се надева на излез на европска сцена.
