Ливерпул оствари минимален триумф (0-1) на гости против Њукасл и во овој момент се наоѓа на првото место на табелата во Премиер – лигата. Стрелец на победничкиот гол беше Наби Кеита во 19.минута, по одличната акција и двојно додавање со Диого Жота.
Јирген Клоп одлучи да го остави Мохамед Салах на клупата на стартот од мечот, но го внесе во игра во вториот дел, заедно со Тијаго Алкантара. Салах имаше одлична шанса за втор погодок за Ливерпул, но не ја реализираше.
Ливерпул сега со 82 бода е на врвот, но Манчестер Сити вечерва го игра мечот од ова коло и му гостува на Лидс Јунајтед.
