Европската фудбалска федерација УЕФА објави дека реваншот од осминафиналето во Лигата на шампионите Ливерпул – Лајпциг ќе се одржи на „Арена Пушкаш“ во Будимпешта.
Натпреварот е закажан за 10 март.
На истиот стадион, екипите го одиграа првиот натпревар во кој Ливерпул победи со 0-2. Германските власти одбија да му дозволат влез на англискиот клуб во земјата поради ограничувања предизвикани од коронавирусот.
