Доминик Шобошлаи, одличниот крилен играч на Лајпциг и капитен на унгарската репрезентација, во спектакуларен трансфер се пресели во Ливерпул. „Црвените“ во последен момент ја активираа откупната клаузула на Шобошлаи во висина од 70 милиони евра. Со оглед дека со играчот одамна се договорија за неговите лични услови, сега останува само формалноста на документацијата.
Со оглед на тоа што Ливерпул плати 70 милиони евра за него, Шобошлаи стана третиот најскап дојдовен трансфер во историјата на клубот. Пред него се само Дарвин Нуњез (80) и Вирџил ван Дијк (84,6 милиони евра).
Шобошлаи и со овој трансфер продолжи со историските достигнувања. Пред две години, со преселбата од Салцбург во Лајпциг за 22 милиони евра, стана најскапиот унгарски фудбалер досега.
Во 91 настап за бундеслигашот, тој постигна 20 гола и забележа 22 асистенции. Во двете сезони во Лајпциг го освои германскиот Куп.
