Голманот на Ливерпул, Алисон Бекер, заработи повреда на мускулот на натпреварот против Манчестер Сити во Премиер – лигата, кој заврши со резултат 1-1. Бразилскиот интернационалец го заврши мечот и покрај болката и непријатноста што ги чувствуваше.
Според „Ивнинг Стандард“, Алисон ќе отсуствува неколку недели и најверојатно нема да се врати на терените до крајот на годината.
Ова е тежок удар за амбициите на Ливерпул, бидејќи декември е полн со натпревари, а претстојат дуели со Арсенал и со Манчестер Јунајтед кои ќе бидат клучни за тимот на Јирген Клоп.
